jasqazaq.kz

Балалары Нұр-Сұлтанда жоғары оқу орындарында білім алғанын қалайды

09 қазан 2019, 14:46

Үкімет басшысының орынбасары Бердібек Сапарбаев өңір тұрғындарының Елордаға қоныс аударуы мәселесіне қатысты пікір білдірді.

«Әрбір адам елордада тұруға қызығушылық танытады, сондай-ақ көбісі өз балаларының Нұр-Сұлтандағы жоғары оқу орындарында білім алғанын қалайды. Бұл тұрғыда тиісті түсіндіру жұмыстарын жүргізу керек, себебі Нұр-Сұлтан қаласының мүмкіндігі шексіз емес қой. Бұл тұрғыда шаһардың өзіндік қуаты мен қажеттілігі бар», — деді Б. Сапарбаев Парламент Мәжілісінің жалпы отырысынан кейін тілшілер сауалына жауап бере отырып. Үкімет басшысының орынбасары бұл мәселеде тұрғын үймен, балабақшамен және мектеппен қамтамасыз ету шаралары екенін атап өтті. «Біз тыйым сала алмаймыз, алайда қай жерде тиісті жағдай жасалғандығы туралы түсіндіру шаралары жүргізілуі керек. Жұмыссыз және баспанасыз елордада өмір сүру қиынға түседі», — деді Б. Сапарбаев. Оның сөзіне қарағанда, бүгінде өңірлерде өмір сүру жағдайын жақсарту бойынша тиісті бағдарламалар жүзеге асырылуда. Мәселен, Елбасының тапсырмасына сәйкес әзірленген «Ауыл – ел бесігі» арнайы бағдарламасы бар. «Осы бағдарламаның негізінде инфрақұрылым құрылуда. Бұл тұрғыда тиісті жағдай жасау үшін 3 мыңға жуық елді мекен айқындалды», — деді Үкімет басшысының орынбасары. Еске салсақ, кеше Президенттің қатысуымен өткен жиында елорда әкімі Алтай Көлгінов қала халқының саны тұрақты өсіп келе жатқаны туралы айтқан еді.

 ҚазАқпарат

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда