Балабақшаға хакерлік шабуыл жасалған

10 маусым 2019, 10:24

Нұр-Сұлтан қаласындағы мектепке дейінгі ұйымдарда орындарды бөлу жүйесінің жұмысы уақытша тоқтатылды.

Бұл туралы ҚазАқпарат елорданың Білім басқармасына сілтеме жасап хабарлады. «Түннен бастап жүйеге ауқымды хакерлік шабуыл жасалуда. Бір уақытта 500 мыңнан астам пайдаланушы кіруге әрекет жасайды. Қазіргі уақытта техникалық мамандар шабуылдың шығу себебін анықтауда. Жүйенің жұмысын қалпына келтірерден бұрын алдын ала хабардар ететін боламыз. Келеңсіздіктер үшін кешірім сұраймыз», делінген басқарманың Facebook желісіндегі парақшадағы жазбада. Еске сала кетсек, 22 мамырда Нұр-Сұлтан қалалық білім басқармасының басшысы елордада балабақшаға жолдама алу жүйесі жаңартылғанын жария еткен болатын.