Байқоңырдан ұшырылған Ангола спутнигімен байланыс жоғалды

26 желтоқсан күні Байқоңырдан ұшырылған Анголаның «Ангосат» спутнигімен байланыс әзірге жолға қойылмай жатыр.

Бұл туралы ТАСС хабарлайды. «Ангосат» спутнигімен әзірге байланыс орнаған жоқ, жағдайдың себептерін анықтап жатырмыз»,-деді агенттікке сұхбат берген адам. ТАСС таратқан ақпарат әлі ресми нақтыланған жоқ, себебі сұхбат берген маман жағдайдың толығымен түсіндіріп бермеген. Естеріңізге сала кетейік, 26 желтоқсан күні сағат 22:00-де «Байқоңыр» ғарыш айлағынан «Зенит-S2Б» зымыран тасығышпен «Ангосат» ғарыштық аппараты штаттық режімде ұшырылды. 27 желтоқсан күні 06:54-те аппарат жеделдету блогынан ажырады.

ҚазАқпарат