Ғазизхан Шекербеков: Қайраттың отбасын жасырып жүргені дұрыс екен

Қайрат Нұртасқа талай хит жазып берген композитор әрі әнші Ғазизхан Шекербеков отбасын құпия сақтағанды жөн көретін өнерпаздар қатарынан болып шықты. Ол әріптесі әрі жақын досы Қайраттың ісін құптайтынын, тіпті, одан үлгі алып жүргенін жасырмады.

Бұл туралы Ғазизхан Zhuldyz.tv арнасына берген сұхбатында айтты, деп жазады Stan.kz.

Маусым айында Ғазизхан Шекербеков әке атанды. Алайда өнер иесі қанша жасыруға тырысып баққанымен, оның отбасындағы қуаныш БАҚ арқылы жалпақ жұртқа жария болды. Бұған Ғазизхан ренжіп қалған ұқсайды. Себебі:

“Отбасы ол – отбасы. Оны өнерге араластырмаймын. Сіздер бірақ ақылдаспай салып жібердіңіздер «әке атанды» деп… Ғаламторға кірсем бірінші тұрады. Түсіндім, құттықтауыңызды түсіндім. Бірақ “қап” деп қалдым.

Бұл жерде Қайрат досыма еліктеген де, еліктемеген де… Сол өте дұрыс нәрсе екен. Ал жария қып, айтып жүргендерге бәрібір зияны тиеді екен, оны байқадым. Сондықтан осылай «мен еркекпін» деп жүрген жақсы ғой”, – дейді әнші күліп.