jasqazaq.kz

Азия чемпионатында жанжал шықты

29 қазан 2019, 10:43

Шымкентте тхэквондодан Азия чемпионаты кезінде жанжал шықты. Дәл жарыс қарсаңында чемпионат өткізетін орын табылмай қалған, деп хабарлайды «Астана» телеарнасы.

Екі күн болатын чемпионатқа Қазақстан, Өзбекстан және Тәжікстаннан 400-ге жуық спортшы келді.

ITF тхэквондо федерациясының президенті Айдос Аманжоловтың айтуынша, жарысты өткізу үшін жергілікті университеттің залы жалға алынған. Кейін оқу орнының басшылығы келісімнен бас тартыпты.

Бұдан соң ұйымдастырушылар спорт мектебімен келісті. Алайда турнир басталар кезде қатысушылардың бәрі далада қалды. Ешкім себебін түсіндірмеген.

ITF тхэквондо федерациясының президенті бұл қасақана жасалған әрекет екенін айтып отыр. Ол бұған Шымкент және Түркістан облысы спорт бірлестіктері арасындағы бәсекелестік себеп болғанын алға тартты.

Жанжалдан соң чемпионат өткізетін орын табылды. Жарыс жеке оқу орнында өткізілді. Алайда шетелдік қатысушылар мұндай жайттан кейін Шымкентке жарысқа келмейтінін айтып отыр.

Шымкенттің дене шынықтыру және спорт басқармасында ITF тхэквондо федерациясы жарысты заңсыз өткізді деп отыр.

«Азия чемпионаты бір жыл бұрын жоспарланатын шара. Республикалық федерация, спорт комитеті, мәдениет және спорт министрлігі бірлесе аккредитациядан өткізеді. Федерация аккредитациядан өтпесе, мәдениет және спорт министрлігі мойындамады деген сөз. Бұл жарыстарда оқыс оқиға болып қалса, кім жауап береді?», — деді басқарма жетекшісі Әлібек Нұртай.
Қазақстанның тхэквондо федерациясы полицияға арыз жазған. Олар өздеріне жергілікті спорт қауымдастықтары қоқан-лоқы көрсетіп жатқанын айтып отыр.

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда