Әзірбайжан Қазақстанға нота жіберді

03 мамыр 2020, 10:46

Нота Қазақстанның ұлттық қауіпсіздік комитетінің шекара қызметі Әзірбайжан азаматтарын ұстау кезінде қару қолданғандықтан жіберілген.

Әзербайжанның сыртқы істер министрлігі Қазақстанның Бакудегі елшісі Сержан Әбдікәрімовке нота табыстады. Әзірбайжанның сыртқы істер министрлігінің хабарлауынша, министрдің орынбасары Халаф Халафов Қазақстанның елшісімен кездесу өткізіп, Каспий теңізінде Әзербайжан азаматтарын ұстау кезінде ұлттық қауіпсіздік комитетінің шекара қызметіне қарасты жағалау күзетінің қару қолдануына байланысты алаңдаушылық білдірді.

30 сәуірде шекара қызметінің жағалау күзеті Әзірбайжанның төрт азаматын ұстау кезінде қарудан оқ атқан. Салдарынан бір адам қаза болып, екеуі жараланды. Әзірге көз жұмған азаматтың денесі Әзербайжанға жіберілген жоқ. Халафов кездесуде Қазақстан елшісіне Әзірбайжан сыртқы істер министрлігінің нотасын тапсырды.

ktk.kz