Автомат ойынына құмар «алтын алқалы» әже желіні шулатты (видео)

Кеудесіне «алтын алқа» төсбелгісін таққан әженің автомат ойындарын беріліп ойнап жатқан видеосы Facebook желісінде тарап кетті деп хабарлайды NUR.KZ.

Видеода егде жастағы әйел автоматқа ақша салып, жан-жағына бұрылмастан ойын ойнап жатқанын көруге болады. Бейнежазба авторының «Сіз 200 ұтысқа ие болдыңыз» деген сөзіне, әжей «Қарасаң ұтылып қаламын, кетші» деп жауап берген.

Видеоны көрген желі қолданушылары әженің әрекетін ұят деп санауда.

Қалдыбай Дарменов: » Бул əйел туралы не айтарымды да білмеймін. Алтын алқа таққан екен, ендеше бала шағасы көп ардақты ана ғой. Балаларының ауызынан жырып автомат ойнап азартқа түсіп кеткені соншама, қасына барып амандасып турған баламен де дұрыс амандаса алмады… Осындайларға қарап ұялатынымыз бар емес пе», — деп жазған.

Ал кей оқырмандар керісінше, видео авторын жазғыруда. Себебі үлкен адамды масқаралап, бейнежазбаға түсіру — тәрбиесіздіктің белгісі дейді олар.