Автокөлікке байлаулы өлі итті сүйреп жатқан видео жұртты шошытты

Әлеуметтік желіде автокөлікке байлаулы өлі итті сүйреп әкетіп жатқан видео тарап, резонанс туғызды.

Бұл туралы Caravan.kz медиа-порталы хабарлайды.

Таралған видео Алматы облысының Полиция департаментіне дейін жетті.

«Бейнежазба 24 наурызда Қарасай ауданы, Шамалған ауылында жасалғанын хабарлаймыз. 56 жастағы «Тойота 4Runner» көлігінің жүргізушісі ұсталып, аудандық полицияға жеткізілді. Ер адам жолда жатқан өлі ит автокөліктердің қозғалысына кедергі келтіргенін түсіндірді. Осыған байланысты, ол жануардың мәйітін елсіз жерге апаруды шешті. Қазіргі уақытта, күдіктінің түсінігі тексерілуде. Нәтижелері бойынша, процессуалдық шешім қабылданады»- делінді Алматы облысы ПД баспасөз қызметінің хабарламасында.