Автобус күткен 3-сынып оқушысының бетін үсік шалды

Абай қаласында мектеп оқушысының бетін үсік шалды. Ол аялдамада 15 минут автобус күткен, — деп хабарлайды Tengrinews.kz.

Оқиға туралы қыздың анасы әлеуметтік желіде айтып берді. Ол қалада мектеп автобустары қарастырылмағанын, балалар жолаушылар ағынына байланысты қоғамдық көлікке отыра алмай, күтуге мәжбүр болатынын айтып шағымданды.

«Біз мектеп директорларымен таңғы 8-ден бері ұрысып, сабақты тоқтатуды сұрап жатырмыз. Сыртта қатты аяз. Бірақ бас тартты. Басқа қалаларда, атап айтқанда Астанада бүгін мектептерде сабақтар тоқтатылып, сабақтар қашықтан оқыту форматына көшті. Бүгін елорда мен Абайда ауа райы бірдей», — деп жазды оқушының анасы әлеуметтік желіде.