Ауылдан қашып кеткен 14 жастағы қыз Алматыдағы түнгі клубтан табылды

Алматы облысының полицейлері үйінен қашып кеткен 14 жастағы қызды іздеп тапты.

Облыстық ІІД-нің мәліметінше, 8-сынып оқушысы 12 шілде күні Іргелі ауылында тұратын ата-анасынан қашып кеткен.

Жақындары өздері іздеп таба алмаған соғ 15 шілде күні полицияға арыз берген.

«Қыз осы уақытқа дейін Талғар ауданында жалдамалы пәтерде болған. Полицейлер оны түнгі клубтан тапты», – деп хабарлады ІІД-де.

Қыз аман сау күйінде ата-анасына табысталды.

Полицейлер жасөспірім қыздың үйінен осымен бірнеше рет қашып кеткенін анықтады. Қыз соңғы рет үйінен кеткенде хат жазып енді ешқашан оралмайтынын айтқан.

stan.kz