jasqazaq.kz

Ауыл тұрғыны бұрынғы әйелінің жылқысын ұрлап, сатып жіберді

15 сәуiр 2021, 15:04

Түлкібас АПБ-на жергілікті тұрғын әйел түнгі уақытта белгісіз тұлғалардың ауласына кіріп, 1 жылқысын алып кеткені туралы арызданған. Аталған жайтты полиция қызметкерлері ҚР ҚК-нің 188-бабы «Ұрлық» бойынша СДТТБТ-ға тіркеді. Жәбірленушіге келтірілген шығынның жалпы сомасы 400 мың теңгені құрады, деп хабарлайды zakon.kz.

Мал ұрлығын ашу мақсатында Түлкібас АПБ-нен аса тәжірибелі полицейлер қатарынан жедел-тергеу тобы құрылды. Жедел уәкілдер учаскелік инспекторлармен бірге жақын маңдағы барлық жайылымдар мен шаруашылық аулаларды аралап, куәгерлерден сұрастырып, үй малын тасымалдайтын автокөліктерді мұқият тексеріп, барымташыларды іздестіру және ұстау бойынша басқа да іс-шараларды жүзеге асырды. Бір күннен кейін жедел-іздестіру іс-шараларының нәтижесінде, Түлкібас АПБ полиция қызметкерлері жергілікті тұрғын азаматты ұстады. Ұсталғанды аудандық полиция бөліміне жеткізді.

Тергеу барысында күдікті азамат жәбірленушінің бұрынғы азаматтық некедегі жолдасы болып шықты. Ол мал ұрлығын пайдакүнемдік мақсатта жасағанын мойындады. Содан күдікті азамат жылқыны өз танысына 170 мың теңгеге бағалап, сатып жібергені белгілі болды. Ұрланған жылқыны тәртіп сақшылары тәркілеп алып, заңды иесіне қайтарды.

Қазіргі уақытта бөтеннің мүлкін ұрлау жайты бойынша сотқа дейінгі тергеу жүргізілуде. Күдікті азамат қолхатта. Полицейлер оқиғаның мән-жайын және мал ұрлығынан басқа да ұқсас қылмыстарға қатысын анықтап жатыр.

Өз кезегінде Түркістан облысының полицейлері ауыл тұрғындарына қырағы болуға және үй малын қараусыз қалдырмауға кеңес береді. Егер, сіз, біреудің мүлкін ұрлаудың немесе мал ұрлығының құрбаны немесе куәгері болсаңыз, дереу полицияға 102 нөміріне хабарласыңыз.

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия