Әуе жолаушыларына ПЦР тестіні өту туралы анықтама керек емес

11 мамыр 2020, 14:38

Air Astana әуекомпаниясы бүгіннен бастап жолаушыларға, әуежай қызметкерлері мен экипажға COVID-19 бойынша ПЦР талдауын өту туралы талаптың жойылғанын хабарлайды. Еске сала кетейік, бұған дейін ұшақ ішінде ара қашықтықты сақтау талабы алынып тасталған болатын.

Бетпердені кию, әуежайдағы әлеуметтік қашықтық және температураны тексеру өз күшінде қалады.

Барлық рәсімдерді орындау үшін жолаушылар ұшудан 2 сағат бұрын әуежайда болуы керек. Ұшақ бортындағы тамақтану бір реттік ыдыс-аяқта беріледі. Тамақтанғаннан кейін жолаушылар қайтадан бетперделерін киіп, рейс бойы тағып отыру тиіс.

12 мамырдан бастап әуекомпаниясы Қазақстанның басқа қалаларында әуежайлар ашылған сайын ішкі бағыттар желісін біртіндеп қалпына келтіре бастайды.