Атырауда заңсыз жүрген Ирландия азаматы елден шығарылды

Атырауға келген шетелдіктермен бірге Ирландия азаматы елден шығарылды, деп хабарлайды ҚазАпарат.

Облыстық полиция департаменті баспасөз қызметінің мәліметінше, «Мигрант» жедел іс-шарасы кезінде көші-қон заңнамасын бұзудың 419 дерегін анықталған. «Оның ішінде 229 шетелдік ҚР Әкімшілік құқық бұзу кодексінің 517-бабымен әкімшілік жауапкершілікке тартылды. Қазақстан Республикасының көші-қон заңнамасын бұзғаны үшін сот шешімімен Өзбекстан Республикасының — 8, Ирландия елінің 1 азаматы Түркістан облысындағы Жібек жолы бақылау-өткізу бекеті арқылы елден шығарылды. Еңбекші көшіп келушілерге рұқсат беру, ұзарту және кері қайтарып алу, сондай-ақ, дакто, фото есепке алуды қалыптастыру мен жүргізу қағидаларының талаптарына сәйкес келмеуіне байланысты Өзбекстанның 108 еңбек мигрантына жұмысқа алған рұқсаты кері қайтарылды» деп хабарлады департаменттің баспасөз қызметі. Сондай-ақ, Өзбекстан Республикасының 3 азаматы құжатсыз жүргені анықталған. Көші-қон қызметкерлерінің көмегімен Қазақстан Республикасында орналасқан Өзбекстан Республикасының елшілігі арқылы олардың төлқұжаты қалпына келтіріліп, Қазақстан аумағынан сот шешімімен шығарылған.