Атырауда ұлын қағаз жүзінде жұмысқа алған депутат сотталды

Атырау облысында аудандық ауруханада бас дәрігер болып жұмыс істейтін аудандық мәслихаттың депутаты студент ұлын қағаз жүзінде жұмысқа алып, 2 млн теңге жалақы төлеген, деп хабарлайды Stan.kz.

Атырау облысы Құрманғазы ауданындық ауруханасының бас дәрігері Гүлсара Мүтиева аурухана бақшашысы жиі жұмысқа келмесе де, уақытылы жалақы аударып отырған. Ең сорақысы, Алматыда оқитын студент ұлын тазалықшы лауазымына қоластына жұмысқа алып, бір жылдың ішінде 2 млн теңгеден астам жалақы төлеген.

Құрманғазы аудандық соты Гүлсара Мүтиеваны кінәлі деп танып, бір жыл бас бостандығынан шектеу жазасын тағайындады. Сондай-ақ өмір бойына мемлекеттік мекемелерде жұмыс істей алмайды.