Атырауда «Сарайшық» коммуналдық базары өртенді (видео)

Атырауда «Сарайшық» коммуналдық базары өртенді. Облыстық төтенше жағдайлар департаментінің мәліметіне сенсек, өрт бүгін, 16 шілде сағат 14:52-де тұтанған.

«Нұрсая мөлтекауданы, К.Мәденов көшесінің 1 «А» мекенжайындағы «Сарайшық» коммуналдық базарының ішінде орналасқан 50 шаршы метрлік 3 азық-түлік дүңгіршегі отқа оранды. Өрт сөндірушілер оқиға орнына 6 минутта жетті. Жалын сағат 15:15-те оқшауланып, 15:51-де толық сөндірілді» деп хабарлады баспасөз қызметінен. Оқыс оқиғадан ешкім зардап шекпеген. Қазір өрттің шығу себебі анықталып жатыр.

https://youtu.be/5AUgr7Rz-zU

ҚазАқпарат