jasqazaq.kz

Атырауда көлігін мас адамға айдауға берген әйелге 428 мың теңге айыппұл салынды

09 ақпан 2022, 16:04

Атырауда көлігін мас адамға берген әйелге 428 мың теңге айыппұл салынды.

Бұл туралы ҚазАқпарат хабарлайды.

Облыстық полиция департаменті баспасөз қызметінің мәліметіне сүйенсек, жыл басынан бері мас күйде көлік жүргізген 60-тан астам жүргізуші әкімшілік жауапкершілікке тартылған.

«Мәселен, патрульдік полиция қызметкерлері 7 ақпанда сағат 04:30 шамасында Атырау қаласындағы Берғалиев-Шоқай көшелерінің қиылысында «ВАЗ – 2115» маркалы автокөлігін тоқтатты. Тексеру кезінде рульде отырған 1992 жылғы жігіттің көлік жүргізу құқығы жоқ екені анықталды. Медициналық сараптама қорытындысымен оның жеңіл дәрежелі мас күйде екені белгілі болды. Оған қатысты ҚР Әкімшілік құқық бұзу кодексінің 608-бабының 6-бөлімімен әкімшілік хаттама толтырылды. Сот шешімімен 20 тәулікке әкімшілік қамауға алынды», -деп хабарлады департаменттің баспасөз қызметі.

Сондай-ақ, бұл көлікте 40 жастағы әйел болған. Ол аталған көліктің иесі болып шыққан.

«Әйел иесі бола тұра көлік құралын алкогольді ішімдік ішкен мас адамға басқаруға берген. Осыған байланысты, оған қатысты ҚР Әкімшілік құқық бұзу кодексінің 608-бабының 8-бөлігімен әкімшілік хаттама толтырылды. Сот шешімімен көлік иесіне 428 820 теңге көлемінде айыппұл салынды. Ал, автокөлік арнаулы тұраққа қойылды», -деп мәлім етті баспасөз қызметінен.

17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр