Атырауда итті қорлықпен өлтірудің тағы бір оқиғасы тіркелді

Атырау облысында итке қатыгездік көрсетудің тағы бір оқиғасы тіркелді.

Оқиға кеше, 7 маусымда Индер ауданындағы Көктоғай ауылында болған.

«Ауыл тұрғыны көршісінің итін ауыл шаруашылығы құралымен соғып өлтіргені анықталды. Аудандық полиция қызметкерлері қылмыстық құқық бұзушыны ұстады. Үй жануарына қатыгездік танытып, өлтірген азамат уақытша оқшаулау орнына қамауға алынды. Жинақталған іс-құжаттары қысқа мерзімде сотқа жолданатын болады», — деп хабарлады облыстық Полиция департаментінің баспасөз қызметінен.

ҚазАқпарат