Атырауда «Асар» дәстүрі жанданады

Атырау облысы Қазақстан халқы Ассамблеясы жанынан құрылған Қоғамдық келісім кеңесі әлеуметтік мәселелермен тікелей айналысатын болады. Рас, кеңестің басты міндеті – мемлекеттік бағдарламаларды, жаңа өзгерістер мен заңдарды, әкімдіктер қолға алған жұмысты әр тұрғынға жеткізу.

Десе де, жұмыссыз жүрген азаматтарды жұмыспен қамту орталықтарына жолықтыру, белгілі бір жанұяға немесе жекелеген адамға көмек көрсету үшін халқымыздың «Асар» дәстүрін жандандыру да, осы кеңес жұмысының бір парасы болмақ.

Айта кетелік, Қоғамдық келісім кеңес құрамы қоғам қайраткерлері, имамдар және мұғалімдерден тұрады.

Баян ЖАНҰЗАҚОВА