Атырау облысындағы бірқатар ауданды қар суы басты

Атырау облысындағы бірқатар ауданды қар суы басты, — деп хабарлайды qazaqstan.tv арнасы.

Телеарна мәліметінше, Атырау облысындағы Қызылқоға және Индер ауданының орталығын қар суы басқан. 4 күн ішінде Миялы елдімекенінен 750 текше метр, ал Жарсуат ауылынан 2000 текше метрге жуық, сондай-ақ, Индерден 500 тоннадай су сорылған.

Қазір мамандар әкімдікпен бірігіп, күн-түн демей ауысыммен жұмыс істеп жатқаны белгілі болды. Жауаптылардың айтуынша, тұрғын үй мен әлеуметтік нысандарға зиян келмеген. Ал жергілікті билік өңірде жағдай тұрақты екенін, елдімекендерді су басу қаупі жоқ екенін айтты.