Атырау облысында шетінеу жағдайы көбейген

Атырау облысында шетінеу жағдайы көбейген, — деп хабарлайды ATPress.

Статистика департаменті өткен жылғы облыс халқының демографиялық ахуалын жариялады. Өңірде 17033 нәресте дүниеге келген, өткен жылмен салыстырғанда 590 адамға көбейді. Аудандар бойынша ең жоғары туу көрсеткіші Жылыой, Индер және Қызылқоға аудандарында көрініс тапқан. «Осы кезеңде тіркелген өлім саны 3547 болып, өткен жылмен салыстырғанда 2,6 пайыз, ал 1 жасқа дейінгі сәби өлімі 54,7 пайыз көбейді. Перинаталдық кезеңінде пайда болатын жағдайлар нәресте өлімінің негізгі себебі болып, былтыр 114 нәресте өлімі тіркелді, 35 нәресте туа біткен ауытқулардан болған. 1 жастан 5 жасқа дейінгі балалар өлімі — 35 жағдай тіркелген», — делінген статистика департаментінің хабарламасында.

Айта кетейік, өңірде 633 791 адам тұрады.