jasqazaq.kz

Атырау облысында екі күнде 3 көлік өртеніп кетті

26 желтоқсан 2022, 11:44

24-25 желтоқсанда Атырау облысында 3 көлік өртеніп кетті. Бұл туралы  ҚазАқпарат хабарлайды.

Атырау облыстық төтенше жағдайлар департаментінің баспасөз қызметінен мәлім еткендей, көліктердің өртену дерегі 24 және 25 желтоқсанда тіркелген.

«Алғашқы өрт туралы хабар 24 желтоқсанда сағат 11:07-де түсті. Атырау қаласындағы М. Әуезов көшесінде орналасқан көлік жөндеу орталықтарының бірінде «Toyota Sienna» маркалы автокөлік өртенді. Бұл көлік Армения Республикасында тіркелген. Өрт сөндіру бөлімшесінің қызметкерлері шақырту орнына жеткен кезде автокөлік толық жанып кеткен. Автокөлікте газ қондырғысы орнатылған. Өрт сөндірушілер жалынды сағат 11:58-де сөндіріп, газ қондырғысының жарылу қаупінің алдын алды», — деп хабарлады департаменттің қоғаммен байланыс тобы.

Екінші өрт те сол күні жергілікті уақытпен сағат 14:29-да болған. «Атырау-Орал» тас жолының бойында Алмалы ауылының тұсындағы полиция бекетінің маңында «Chance» автокөлігінің қозғалтқыш бөлігі өртенген. Жалын сағат 14:55-те ауыздықталды.

Ал, кеше, 25 желтоқсанда сағат 11:31-де Жылыой ауданында тағы бір көлік өртенді. Аудан орталығы – Құлсары қаласының өңдірістік аймағында «КамАЗ» көлігі түгі қалмай жанып кетті. Өрт сағат 12:03 сағатта толықтай сөндірілді.

Қазір көліктердің өртену себебі анықталып жатыр.

«Жүргізушілердің автокөліктің электр желілерін ұдайы тексергені жөн. Бұл көлікті өртену қаупінен сақтайды. Өрт қауіпсіздігі ережелерін қатаң сақталғанда ғана оқыс оқиғаның алдын алуға болады», — деп мәлім етті департаменттің қоғаммен байланыс тобынан.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр