Астана — қарқынды дамып келе жатқан қала. Сондықтан халықтың жыл сайын өсіп отырған сұранысын қамтамасыз ету мақсатында әлеуметтік нысандарды салу үшін қазірдің өзінде 420-дан астам жер учаскесі анықталды. «Оның ішінде мектеп салу үшін – 158 учаске, балабақшалар үшін – 185, медициналық орталықтар (емханалар, перзентханалар, оңалту орталықтары) үшін тағы 78 учаске қарастырылған. Медициналық орталықтардың жалпы саны болашақта жаңа тұрғын үй кешендерінің бірінші қабаттарында ашылатын медициналық мекемелерден бөлек көрсетілген. Әлеуметтік нысандар үшін бөлінетін жер учаскелерінің көлемі жыл сайын өсе түсетін болады», — деп хабарлайды Астана қалсының әкімдігі.
Сонымен қатар, қазір елорда тұрғындардың белсене қатысуымен қаланың 2035 жылға дейінгі Бас жоспарының жобасы талқыланып жатыр. Оның барысында «Астананың бас жоспары» ғылыми-зертеу өндірістік институтының өкілдері көпшілікке болашақ әлеуметтік нысандардың (мектептер, медициналық орталықтар, балабақшалар) орналасуы туралы да егжей-тегжейлі баяндайды. Жалпы қаланың Бас жоспары жобасы аясында түрлі бағыттар: қаланы дамыту, халық саны, әлеуметтік нысандар салу, көлік инфрақұрылымын перспективалы дамыту, 2035 жылға дейін нысандарды бұзу және т. б. мәселелер талқыланауда. Талқылау үстіміздегі жылдың 18-ші қарашасына дейін жалғасады.
Абзал Ибрагим,
Астана
WhatsApp: +7 705 717 9113
