Астанада көлікке газ орнына су құйған жанармай бекетінің басшылығы жағдайды түсіндірді (видео)

Астанадағы Gas Energy жанармай бекеттері желісінің клиенттері көліктеріне жанармай орнына су құйылатынына шағымданды, — деп хабарлайды Tengrinews.kz.

Куәгерлер осындай жағдайдың видеосын редакцияға жолдады. Видеодан газ құйылатын балоннан судың ағып жатқаны көрінеді. «Автогаз Трэйд» ЖШС-ның стратегиялық даму бойынша бас менеджері Шыңғыс Нұрзаханов 28 шілдеде көлікке техникалық жұмыстар өткізу барысында Вишневский көшесіндегі жанармай бекетінің моноблогына газ тасушы көліктен абайсызда су құйылып кеткен. Бұл дерек анықталған кезде 4 адам компанияға шағымданғаны белгілі болды. Газ тасымалдаушы мен жанармай бекеті жұмысын тоқтатып, тазалау шаралары өткізілді. «Үш адамға шығын толықтай өтелді. Бір адам байланысқа шықпай отыр. Мұндай алғаш рет болып оыр. Алда мұндайдың қайталануына жол бермейміз және клиенттеріміздің барлық талап-тілектеріне сай болуға тырысамыз», — дейді Нұрзаханов.