jasqazaq.kz

Астанада экологияға зиянсыз электроавтобустар жүреді

17 қараша 2022, 11:47

Ауаға зиянды қалдықтарды бөлмейтін, экологиялық тұрғыдан таза көлік түрлерін пайдалану уақыт талабы екені белгілі. Астана әкімдігінің баспасөз қызметі хабарлағандай, осы мақсатта халықты тасымалдау үшін 2023 жылы қала ішінде 300-ден астам электроавтобус жүре бастайды.

Қала басшылығының айтуынша, автопаркті қоғамдық көлікпен жаңарту және толықтыру бағытында, оның ішінде жеке инвестицияларды жұмылдыру есебінен жүйелі жұмыс жүргізілуде.

Жаңа электроавтобустар автопаркті айтарлықтай жаңартуға, қосымша маршруттарды енгізуге, жолаушылардың автобустарды аялдамаларда күту уақытын қысқартуға мүмкіндік береді.
«Сity Transportation Systems» ЖШС қазіргі уақытта электроавтобус паркін 300-ден астам көлікпен жаңарту және толықтыру жөнінде үш инвестормен жұмыс жүргізіп жатыр. Жеке инвестициялар есебінен қалада жаңа автобус паркінің салынғанын да айта кету керек.

«Бұған дейін Астанада күніне жолға 115 электроавтобус шығатын еді. Биыл қыс мезгілінде тағы да осындай 50 көлікті шығару жоспарланып отыр. Электрмен жүретін автобустардың экологиялық тұрғыдан таза екені даусыз және оларды пайдалану экономикалық жағынан да тиімді», — дейді көлік компаниясының өкілдері.

Сонымен қатар, биыл жыл басынан бері қоғамдық көлік маршруттарының 27 схемасы оңтайланып, жаңа бағыттар ашылып, 15 аялдама нүктелері іске қосылыпты. Бұдан бөлек, соңғы жылдары 70 жылы аялдама орнатылған. Қазір тағы да 20 жылы аялдаманы инженерлік желілерге қосу жұмыстары жүргізілуде.

Абзал Ибрагим,
Астана

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр