Астанада автобус жүргізушілері төбелесіп қалды (видео)

Астана қаласының тұрғыны автобус жүргізушілерінің арасында болған дауды видеоға түсіріп алды.

Видеодағы кадрлардан бірнеше адамды көруге болады. Сондай-ақ, онда ер адамның форма киген адамды ұрмақ болғаны байқалады. Осылайша, қоғамдық көлік жүргізушілері арасында дау шыққан. Видео авторы басқа автобустың кондукторынан қоғамдық көліктің неліктен жүрмей жатқанын сұрамақ болған. Кондуктор болса әйелдің камера ұстап тұрғанын көре сала «Сіздер не бізді түсіріп жатырсыздар ма?» деп телефонды қолынан тартып алмақ болған. Сондай-ақ, астаналық қыз полицияға арыз түсіргенін айтып өтті. Ал қалалық әкімдіктегілер осы оқиғаға қатысы бар қызметкерлердің барлығы тәртіптік кеңестің алдында жауап беретінін хабарлады. «Оларды маршруттан алып тастады. Тергеу жүргізіліп жатыр. Нәтижесін кейінірек айтамыз», — деп нақтылады Астана қаласы әкімінің баспасөз хатшысы Эльвира Жүргенбаева.

Tengrinews.kz