Астанада анайы жарнама жасаған сауда орталығы жұрттың сынына ілікті

Астанада үй заттарын сататын сауда орталығының жарнамасы елдің талқысына түсті.   Жарнаманың суреті желіде кең тарап кетті. Жарнамада “Еркек бол. Үйдің еденін ауыстыр.

Одан бөлек есіктерін ауыстыр” деп жазылған. Орыс тілінен аударғанда пол сөзі қазақша “жыныс” және “еден” деп екі мағынада аударылады. Қасында адам жынысының белгісі көрсетілген.

Соған қарап жұрт мұнда “жынысыңды ауыстыр” деген мағынаны көрсеткен деп дауласты. Енді бірі мұның адам назарын аудару үшін әдейі жазылған жарнама екенін айтып жатыр.

“Бұл қызтекелердін жарнамасы”, “Еркек бол. Үйдің еденін ауыстыр деп тұр ғой. Онда тұрған не бар”, “Әдейі өзіне қарату үшін жазылған”, деп жазады желідегілер.