Астанада алаяқ өзге адамдардың құжат нөмірімен несие алған

Астана полициясы интернет арқылы 20-дан астам адамды сан соқтырып кеткен алаяқты ұстады. Бұл туралы қалалық ІІД баспасөз қызметі хабарлады.

Полицияға қалалық мекеменің 25 қызметкері хабарласып шағым түсірген. Олардың айтуынша, осы жылдың мамыр айынан бастап қазіргі уақытқа дейін оларды ЖСН нөмірі мен фамилияларын пайдаланып өзге біреу интернет арқылы онлайн-несиелеу қызметін пайдаланған.

Жедел-іздестіру шараларын жүргізген криминалдық полиция 1996 жылы туған ер адамды ұстады. Белгілі болғандай ол шағым түсірушілермен бір мекемеде істегендіктен, олардың жеке мәліметтеріне қанық болған. Қазіргі таңда ол уақытша тергеу изоляторында отыр. Ол әр адамға 10-50 мың теңге аралығында материалдық шығын келтірген.

Stan.kz