Астанада 5 жасар бала құдыққа түсіп кетті

Астанада құдыққа түсіп кеткен бес жасар бала құтқарылды. 

ҚазАқпарат  хабарлағандай, «15 ақпан күні «112» пультіне сағат 11:30 кезінде 2014 жыл туған бала Қарасай батыр көшесі бойындағы құдыққа түсіп кеткендігі туралы хабар келіп түсті. Бүлдіршін аталған жерде анасымен серуендеп жүрген», — делінген ТЖ комитеті мәліметінде. Анықталғандай, құдықтың тереңдігі 2 метр болған. «Құтқарушылар келгенше дейін баланы №39 мектептің 10 сынып оқушысы құдықтан алып шыққан. Зардап шеккен бала №2 қалалық ауруханаға жеткізілді. Ал мектеп оқушысын құтқарушылар үйіне жеткізіп салды», — делінген хабарламада.