Аспалы жол істен шығып, адамдарды жан-жаққа лақтырды (видео)

16 наурыз 2018, 18:42

Грузияның Ішкі істер министрлігі Гудауридегі аспалы жолда 10 адамның зардап шегуіне байланысты тергеу шараларын бастады, -деп хабарлайды Грузия Online.

Алдын ала мәліметтер бойынша, Гудаури таушаңғылы жолының аспалы жолы апатты жағдайда тоқтап, кері қарай жүре бастаған. Оқиға салдарынан 10 адам орта және ауыр деңгейдегі жарақат алған.

Оқиға орнына шаңғы патрулі, жедел жәрдем бригадасы келіп, зардап шеккендерді Гудауридегі амбулаторияға жеткізеді. Ал қажет болған жағдайда оларды ауруханаға жеткізу қарастырылған. Грузиядағы таулы курортты дамыту компаниясы науқастардың еміне жұмсалатын барлық шығынды көтеретіндерін айтты. Гудаури Грузиядағы ең танымал таушаңғылы курорттарының бірі.