Әскери журналист — “Алаш” сыйлығының иегері

Біздің Астана қаласындағы меншікті тілшіміз — әскери журналист, ақын Әбубәкір Смайылов Халықаралық “Алаш” әдеби сыйлығының лауреаты атанды. Марапат Қазақстан Жазушылар Одағының 2023 жылдың әдеби қорытындысына арналған жиында табыс етілді.

Сыйлық ақынның “Әдебиетті насихаттаудағы еңбегі үшін” берілген екен. Бұл жерде әңгіме әлем әдебиеті туралы болып отыр. Ол соңғы жылдары Э. Ремарк, Дж.Остин сияқты әлем классиктерінің “Салтанат қақпасы”, “Асқақтық пен адасу” сияқты әйгілі романдарын қазақша сөйлетті. Жазушылар Одағында жасалған баяндамада сол аудармаларға жоғары баға берілді.
Бұған дейін Ә.Смайыловтың поэзиясы саласындағы еңбегі үшін “Дарын” Мемлекеттік жастар сыйлығын алғанын айта кету керек.

Қаламы жүйрік әріптесімізді мәртебелі марапатымен құттықтаймыз! Жазар көбейсін!

JAS QAZAQ газеті