jasqazaq.kz

Арыс көшелерінен 5700-ден астам әскери снаряд табылды

27 маусым 2019, 12:50

снаряд

Арыс қаласының аумағында төтенше жағдайдың салдарын жою кезінде 5700-ден астам әскери снаряд табылды. Түркістан облысының әкімдігі 27 маусымдағы жағдай бойынша ақпаратты ұсынды. 

Арыс қаласында төтенше жағдайдың салдарын жою жұмыстарына ҚР ІІМ-нің жеке құрамынан 1488 адам және 189 техника жұмылдырылды. Ал Қорғаныс министрлігінің саперлік бөлімшелерінен 43 топ тартылған. 408 адам енген топ Арыс қаласының аумағын, атап айтқанда, теміржол станциясы мен жолдарды, әскери бөлім территориясын жарылмаған оқ-дәрілерден тазарту жұмыстарын жүргізіп жатыр. Нәтижесінде 5700-ден астам снаряд табылып, арнайы техникамен көшіруге дайындалды.

Осы уақытта эвакуациялық пункттерде 13187 адам бар. Оның ішінде Шымкент қаласында — 7249, Түркістан облысының аудан, қалаларында 5938 адам қоныстанды. Жедел штабтарда қауырт желілер ұйымдастырылып, тұрғындардан жалпы 15 мың 927 қоңырау келіп түсті. Түркістан облыстық Денсаулық сақтау басқармасының мәліметі бойынша, 277 адам медициналық көмекке жүгініп, 74-і ауруханаға жатқызылды. 3 адам қаза тапты. «Сондай-ақ, инженерлік техникамен Арыс қаласының 16 учаскесіндегі барлық көшелер мен 11 шақырым теміржол төсемдері тазартылды. Қорғаныс министрлігімен бірлесе жеке және көпқабатты үйлерді тазарту жұмыстары жүргізілді. Жергілікті билік қазіргі жағдайды тұрақты деп бағалауда», — делінген мәліметте.

Дереккөзі: ҚазАқпарат

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда