jasqazaq.kz

Армения мен Әзірбайжан шекарасында ірі қақтығыс болды

17 қараша 2021, 10:57

16 қарашада Армения мен Әзірбайжан шекарасында ірі қақтығыс болды. Екі жақта да қаза тапқандар мен жараланғандар бар, — деп хабарлайды Tengrinews.kz тілшісі жергілікті БАҚ-қа сілтеме жасап.

Қақтығыс кезінде тараптар авиациядан басқа әскери техниканың барлық түрін пайдаланған.

Армения сыртқы істер министрлігі Әзірбайжан қарулы күштері шекараның шығыс бөлігіндегі елге басып кіргенін хабарлады.

Әзірбайжан қорғаныс министрлігі өз кезегінде Армения қарулы күштерін Армения-Әзірбайжан шекарасындағы жағдайды ушықтыру мақсатында «тағы бір арандату әрекетін» жасады деп айыптады.

«Әзірбайжанның қарулы күштері шұғыл әскери операция жүргізді», — деп хабарлады Әзірбайжан қорғаныс министрлігінің баспасөз қызметі.

«Біріншіден, жаудың қозғалысы шектелді, қарсыластың күштері мен құралдарына зиян келтірілді. Қабылданған шешуші шаралардың нәтижесінде армян әскерлері қарусыз қалып ұсталды, әртүрлі қару-жарақтары алынды.

Ауқымды арандатушылық арқылы қысқа мерзімде жеңіске ұмтылған армян әскери бөлімшелерінің шабуылы, жедел-тактикалық тұрғыдан толық сәтсіздікке ұшырады, ал ресми Ереванның арандатушылыққа барудағы кезекті әрекеті сәтсіз аяқталды», — деді haqqin.az порталы.

Ресей Қорғаныс министрлігі соғыс министрі Сергей Шойгу мен оның армян және әзірбайжан әріптестерінің телефон арқылы сөйлесуінің нәтижесінде тараптар шайқасты тоқтатқанын хабарлады.

Армения премьер-министрі Никол Пашинян сейсенбі күні кешке Армения-Әзірбайжан шекарасында қазір салыстырмалы түрде тыныш екенін, бірақ жағдай шиеленісіп тұрғанын айтты.

Ресей президенті Владимир Путинмен телефон арқылы сөйлескен Пашинян шекарадағы соңғы оқиғаларды егжей-тегжейлі баяндап, «Әзірбайжан күштерінің әрекеті Арменияға қарсы агрессиядан басқа ештеңе емес» деп баса айтты.

17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр