jasqazaq.kz

Арман Қуанышбаев Ерлан Ақатаевтың сеніміне күмән келтірді

12 қыркүйек 2019, 11:04

Еліміздегі танымал имам Арман Қуанышбаев алматылық әріптесі, құран тәпсіршісі Ерлан Ақатаевтың сеніміне күмәнмен қарайтынын айтты. Кентаудағы медресе басшысы Ақатаевтың уағыздарын тыңдап жүріп бір күні Сирияға мылтық арқалап кетіп қалмайық, дейді имам.

Бұл туралы 31 арна хабарлады.

Қазақтың маңдайалды жұлдыздарынан бастап жұрт уағыздарын сүйсіне тыңдап жүрген Ерлан Ақатаев Алматыдағы мешіттердің бірінде аптасына екі рет уағыз айтады. Ақатаев та, Арман Қуанышбаев та – мүфтияттың ғалымдары. Алайда Қуанышбаев әріптесінің сеніміне күмәнмен қарайтынын айтып қалған.

«Ертең Дарын сияқты алданып қалмаңыздар.Күшті-күшті жылататын сөздер айтып, ертең Сирияға мылтық арқалап кетіп қалмаңыздар», — дейді Қуанышбаев желіде тараған видеода.

Осы видеодан кейін дінде жүрген азаматтар Ақатаевтың сеніміне қатысты алаңдаушылық білдірге бастаған.

Ал мүфтияттағылар Ерлан Ақатаевтың теріс көзқараста еместігін, мүфтияттың сынағынан өткен, исламның құндылықтарын насихаттап жүрген дін қызметкері екенін айтты.

«Ерлан Ақатаев болсын, Арман Қуанышбаев болсын, екеуі де діни басқарманың бұйрығымен діни басқарманың аясында жұмыс істеп жатқандықтан, екеуінің де уағызын тыңдауға болады деп айта аламыз. Яғни екеуінің көзқарасы, сенімі, нанымы діни басқарманың ұстанымына сай келгендіктен, бөліп-жара қарай алмаймыз. Екеуінікі де дұрыс деп айта аламыз», — дейді ҚМДБ-ның насихат және қоғаммен байланыс бөлімінің меңгерушісі Алтынбек Ұтысханұлы.

Сонымен қатар діни басқармадағылар алдағы уақытта екі имамды кездестіріп, талас тудырған мәселенің талқыланатынын жеткізді.

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда