Арақ ішкен інісін жазалаймын деп өлтіріп қойды (видео)

Ішімдік ішкені үшін сазайын тарттырмақ болған ер адам туған інісін ұрып, өлтіріп қойды. Бұл туралы Еуразия бірінші арнасы хабарлады.

Алайда ол қылмысын жасыру үшін барлық айғақты мұқият жойып, полицейлерді алдап, жазадан құтылмақ болған.

Дегенмен, тергеуші жауап алу барысында логикалық дәлелдердің дедукциясын пайдалана отырып, күдіктінің жасаған қылмысын әшкерелеген.

Ер адам туған бауырын қасақана өлтірмегенін айтып ақталып, оған физикалық күшті тек жазасын тарттыру үшін қолданғанын алға тартқан. Себебі, маскүнемдікке салынған інісінің түнгі қыдырыстары да көп болған көрінеді. Түрлі дене жарақаттарымен ауруханаға жеткізілген 62 жастағы азамат есін жимастан жан сақтау бөлімінде көз жұмған.

Сұмдық оқиға Алматы облысына қарасты Шелек ауылында болды.