«Әр ұлттың көкейінде қазақ халқына деген ризашылық сенім тұнып тұр»

«Қазақстандағы этносаралық қатынастар «толеранттылық», «сенім» және «құрмет» ұғымдарына негізделген. Сондықтан, бірлігімізден ажырамауға ең алдымен өзіміз мүдделі болуға тиіспіз» дейді «Таврос» армян этномәдени бірлестігінің Атырау облыстық филиалының жетекшісі Гагик Плузян.

Оның айтуынша, бүгінгі жастар сонау тоқсаныншы жылдардағы этносаралық қақтығыстарды, күйреуді көрген жоқ. Сондықтан, көпшілігі елдегі тұрақтылық пен тыныштықты осылай болуы тиіс құбылыс ретінде қабылдайды. «Шын мәнінде, бүгінгі жетістігіміз – дана саясаттың, зор еңбектің нәтижесі. Бүгінде бізді үлкенді сыйлау, кішіні қамқорлау сынды қарапайым құндылықтар біріктіре түседі. Соның ішінде, жүрегі, пейілі кең қазақ халқынан үйренеріміз көп. Қазақстанда мамыражай тіршілік кешіп жатқан әр ұлттың көкейінде қазақ халқына деген ризашылық сенім тұнып тұр» дейді армян өкілі Гагик Плузян.

«Жас Қазақ» ақпарат