«Апорт» сауда үйі қоршауға алынды

Алматы облыстық полициясы «Мол Апорт» сауда үйінен жарылғыш зат іздестіріп жатыр. Бұл туралы облыстық полиция департаментінің баспасөз хатшысы Көбейхан Нұрахметов айтты. Бұл туралы ҚазАқпарат хабарлады.

Оның айтуынша, күндізгі 11:00 мен 12:00 аралығында Алматы оперативті басқару орталығының 102 каналына бір адам жасырын қоңырау шалған. «Ол Мол Апорт сауда ойын сауық орталығында жарылғыш зат қойылғанын хабарлады. Қазір 102 каналына хабарласқан адам кім екені анықталып, ұсталды. Полиция одан сұрақ-жауап алып жатыр. Ал ғимаратты қазір полицияның шұғыл әрекет ету қызметінің өкілдері тексеріп жатыр. Ғимарат қоршауға алынды. Адамдардың барлығы: қызметкерлер мен келушілер түгел қауіпсіз жерге шығарылды», — деді ол.