
Бағдат Мусин,
цифрлық даму, инновациялар
және аэроғарыш өнеркәсібі министрі:
«Еліміздегі 18,7 млн халқымыз 6500-ге жуық елді мекенде тұрады. Солардың ішінен 4 751 елді мекенде түрлі технологиялар бойынша (3G, 4G, оптика-талшық және т.б.) жалпы интернет бар деуге болады. Осылайша, елімізде 17,5 млн тұрғын интернетпен қамтылған. Пандемия жағдайында еліміздегі 5 мың ауылға интернет тартылды. Қалада шамамен 11 млн адам, ал ауылдарда 7 млн адам мобильді интернет қолданып отыр. 2020 жылдың соңында елде интернетпен қамту көрсеткіші 99,3 пайызға жетеді».
(19.10.2020 ж.)
Шавкат Сабиров,
Қазақстан интернет қауымдастығының президенті:
«Алматыдан 20 шақырым жердегі ауылда интернет жоқ. Семейден 500 шақырым қашықтағы ауылға интернет тартуға әлемнің бірде-бір компаниясы келіспейді. Оған жұмсалған шығынды қайтарып алу үшін 100 жыл қажет. Біздің елде бұл жұмысты «Қазақтелеком» ұлттық байланыс операторы атқаруы тиіс. Өйткені ол мемлекеттен субсидия алады. Бірақ өкінішке қарай, 2025 жылдың өзінде бүкіл елді интернетпен 99 пайызға қамти алмайды».