Анталияда ащы бұрыш жеуден жарыс өтті

Түркияда Анталия провинциясындағы Кумлуджа ауданында ащы бұрыш жеуден жарыс өтті. Бәсеке Республика алаңында ауыл шаруашылығы және жылыжай өнімдері XIX фестивалі аясында ұйымдастырылды, деп хабарлайды Анадолы агенттігі.

Жарыс басталар алдында әдіқазылар алқасы бұрыш сабақтарын таразыға тартып қатысушыларға үлестірді. Сондай-ақ бұрыштың ащылығын азайту үшін қызанақтар мен айран таратты. Бәсеке шарты бойынша, оған қатысқан 18 адам небәрі үш минуттың ішінде бұрышты неғұрлым көбірек жеуі қажет. Бұған қоса олар үстеріне суық су құйды. Үш минуттың ішінде 315 грамм ащы бұрышты жеп үлгерген Хасан Оздил жеңімпаз атанды. Екінші орын 299 бұрыш жеген Хусейин Акшитке,ал үшінші орын 279-ын қығытқан Мехмет Атешке бұйырды.

Әкімшілік басшысы Кумлуджа Хусаметтин Четинкаяның хабарлауынша, бәсекенің мақсаты жұртшылық назарын Анталиядағы жыыжай өндірісіне аудару. «Біз дайындаған өнімдеріміздің адам денсаулығына зияны жоқ екендігін көрсетуге тырыстық»,- деп атап өтті ол.

ҚазАқпарат