Анасымен ұрысып қалған қыз 3 қабаттан секіріп кетті (видео)

Алматыда анасымен ұрысып қалған қыз 3-қабаттан секіріп кетті, деп хабарлайды Baq.kz ақпарат агенттігі Today.kz-ке сілтеме жасап.

Оқиға Алматының Бостандық ауданындағы Жандосов көшесінде болған.

«Біз кешкі астан кейін далаға шықтық. Бірдеңе гүрс ете қалды. Не болды деп қарасақ, ыңырсыған қыздың дауысы естілді. Оның терезеден құлап кеткенін байқадық. Ол үшінші қабаттан секіріп кеткен екен», — дейді оқиғаның куәгері Мұхит Сапарбаев.

Куәгерлердің айтуынша, қыз анасымен ұрысып қалған. Содан кейін оны пышақпен ұрған.

«Қыз ішімдік ішкен екен. Жедел жәрдем шақырдық. Пәтерге не болғанын білуге бардық. Содан кейін қыздың мас күйінде үйіне келіп, 74 жастағы анасымен ұрысып қалғанын білдік. Анасы қызын жігітпен кездесуге шығармай қойыпты. Ашулы қыз анасын пышақпен ұрып, балконға қарай жүгірген», — деп түсіндірді ол.