АН-2 ұшағының құлаған жерінен видео пайда болды

20 маусым 2019, 16:30

Бүгін Ақмола облысы Целиноград ауданына қарасты Родина ауылынан 10 шақырым жерде егін алқаптарын химиялық өңдеу барысында АН-2 ұшағы апатқа ұшыраған болатын.

Салдарынан ұшқыш қаза тауып, екі экипаж зардап шекті. Апаттың себебі анықталуда. Оқиғаға байланысты арнайы комиссия құрылды. Тергеу жұмыстары жүргізіледі. «Хабар 24» арнасы ұшақтың апатқа ұшыраған жерінде түсірілген видео жариялады.

Ұшақ апатынан ұшқыш қаза тапқан, экипаждың екі мүшесі түрлі жарақаттармен ауруханаға жеткізілген. Төтенше жағдайдың себебі анықталып жатыр. Индустрия және инфрақұрылымдық даму министрлігінің мәліметінше, осы дерек бойынша тергеу жүргізіледі.