Америкалық қор нарығы мен Apple акциялары құлдырады

АҚШ-та қор нарығы маусым айының басынан бері ең үлкен құлдырауға ұшырады. Америкалық негізгі қор индекстері бейсенбіде айтарлықтай құлдырады.

Dow Jones индексі 2,78%, S&P 500 3,51%, Nasdaq 4,96% төмендеді. Құлдырауға Apple компаниясы да ұшырады, оның баға белгілері 8% төмендеді. Ақпараттық технологиялар саласындағы алып компанияның екі триллион доллардан асатын капитализациясын ескерсек, бұл құлдырау 180 млрд долларға тең. Басқа американдық IT-компаниялар да бағаның айтарлықтай төмендегенін көрсетті: Microsoft акциялары 6,19%, Google 5%, Amazon 4,63%, Facebook 3,76%, Tesla 9%-тен астам төмендеген.

24.kz