Аман Төлеев депутат болып сайланды

Кемерово облысының бұрынғы губернаторы, 73 жастағы Аман Төлеев Кемерово облысының халық депутаты болып сайланды, деп хабарлайды Today.kz ТАСС сайтына сілтеме жасап.

«Бүгін Кемерово облысы сайлау комиссиясының отырысы өтті, сұрақтардың бірі Кемерово облысының төртінші шақырылымдағы Кеңес депутаты вакантты мандатын бірыңғай тізімде тіркелген үміткерлердің бірі Кемерово аймақтық «Единая Россия» партиясынан Төлеев Амангелді Молдағазыұлына беру болды. Вакантты депутат мандатын беру шешімі қабылданды», –деді сайлау комиссиясының өкілі.

Өкіл 2013 жылы Төлеевтің «Единая Россия» партиясы сайлауға қосқан бірыңғай үміткерлер тізімінде көш бастағанын айтты.

Кемерово облысын 1997 жылдан бері басқарған Аман Төлеев 2018 жылдың 1 сәуірінде РФ президенті Владимир Путиннен өзін отставкаға жіберуді сұрады. Владимир Путин Кемерово облысы губернаторы Аман Төлеевтің мерзімінен бұрын отставкаға кету туралы өтінішін қабылдады. Ресей президенті аймақ басшысының міндетін уақытша атқару үшін вице-губернатор Сергей Цивилевті қойды.