Алтынай Жорабаева: Бәйгеге түскен соң, оза шабуға тырысу керек

Әнші мамандықты дұрыс таңдап қана қоймай, өз ісінің әлемдегі №1 маманы болуға ұмтылуға кеңес берді.

Алтынай Жорабаева күні кеше өзін Димаш Құдайбергеновпен салыстырып, халыққа танылудың қиынға соққанын айтқан болатын. Енді ол мамандықты дұрыс таңдап қана қоймай, соның шыңына жету үшін ұмтылуға кеңес беріп жатыр.

«Негізі әркім өз мамандығын таңдаған кезде соның биік шыңына шығамын деп алдына мақсат қоюы керек. Бәйгеге түскенде де «Мен озамын, оза шабамын» деп еңбек етуі керек. Ары қарай сарапшылардың өздері тиесілі бағаларын қоя береді. Әрине, Қазақстанымыздың танымал болуына бірден бір септігіміз тиіп жатса, біз үшін одан асқан бақыт жоқ», – дейді Алтынай Жорабаева. Бұл туралы 31 арнаның «Айта берсін» бағдарламасында айтылды деп жазды stan.kz.