Алтынай Жолдыбаева өзін сынағандарға жауап берді

Атышулы әнші, «Джейрандық» Алтынай Жолдыбаева өзіне тағылған сынды қалай қабылдайтынын айтып берді деп хабарлайды «Gakku» арнасына сілтеме жасаған NUR.KZ.

«Мұның барлығына шығармашылықта жүргеннен кейін қарсы шыға алмайсың. Жақсы пиар болсын, қара пиар болсын – барлығы пиар. Жалаңаш жүреді деген секілді сөздер мен теріс сөздер болса мен тіпті мән бермеймін. Үйреніп те қалдым. Ал жалған ақпарат таратса, ол менің жаныма қатты тиеді», — деді өз сөзінде.
Сондай-ақ әнші өзінің болашақ күйеуінің қандай болғанын қалайтынын айтты.

«Мен ешқашан қалтаға қарайтын адам емеспін. Маған өте батыл жігіттер ұнайды. Бірақ, болашағы бар жігіт керек. Болашақ жігітім тек қазақ болсын деген ұстанымым да жоқ. Маған жалпы орыстың жігіттері ұнайды», — деп сырын ақтарды Алтынай Жолдыбаева.