«Алтын Орда» базарынан өрт шықты

Алматы облысындағы «Алтын Орда» базарының аумағында өрт болды, — деп хабарлайды Tengrinews.kz тілшісі. ҚР ІІМ ТЖК баспасөз қызметіндегілердің мәлімдеуінше, екі асхана отқа оранған.

«2016 жылдың 17 сәуірінде сағат 13.28-де «БН Алтын-Орда ЛТД» ЖШС аумағынан өрт шықты деген хабар келіп түсті. Өртсөндірушілер оқиға орнына шұғыл жетті. Оқиға орнына жеткенде бір шатырдың астында орналасқан екі асханадан өрттің шыққаны анықталды, жалпы аумағы 396 шаршы метр болады», — деді баспасөз қызметіндегілер.

Өрт сағат 14.09-да ауыздықталды. Ал сағат 14.21-де толық сөндірілді. Өртті сөндіруге 38 адам мен 9 техника жұмылдырылды.