Алты триллионға жуық теңге қайда жұмсалады?

Қаржы министрлігі 6 триллионға жуық теңгенің қайда жұмсалатынын түсіндіріп берді. Ел арасында қызу талқыға түскен бұл қомақты қаражат дағдарысқа қарсы шараларды жүзеге асыруға қарастырылған еді.

Министрлік таратқан мәлімет бойынша, бұл қаражат әлеуметтік-экономикалық тұрақтылық пен жұмыспен қамтуды қолдауға бағытталған. Оның 3 жарым триллионы республикалық бюджеттен, қалғаны бюджеттен тыс көздерден тартылған.

Түрлі салаға бөлінетін ақшаның ең қомақтылары мыналар:

— «Жұмыспен қамту жол картасына» 1 триллион теңге.

— «Қарапайым заттар экономикасы» бағдарламасы мен басқа да салалар бойынша несие жеңілдігіне триллион теңге.

— Бюджетке түспей қалған салық кірістерінің орнын толтыруға және әлеуметтік міндеттемелерді орындауға 1 триллион 700 миллиард теңге.

— 575 миллиард теңге Президент тапсырмаларын орындау мен ел ахуалын жақсарту сынды қосымша шығындарға кетеді.

— Қалған бөлігі әлеуметтік төлемдер мен тұрғын үй құрылысына жұмсалмақшы.

ktk.kz