jasqazaq.kz

Алматыдағы рейд: 90 нысан карантин талабын бұзған

22 мамыр 2020, 20:11

Алматы әкімі Бақытжан Сағынтаевтың тапсырмасымен бірқатар сауда нысандарына рейд жүргізілді.

Онда карантин талаптарының сақталуы тексерілді.

Тексеру кезінде карантин ережелерін сақтамаған нысандар анықталды. Мәселен, «Көк базарға» кіреберісте тепловизордың жоқтығы, сатып алушылар арасында әлеуметтік қашықтықтың сақталмауы, сауда залдарында санитайзерлердің болмауы анықталды. Келушілерді бір жолмен кіргізу ұсынылды.

«Көк базарды» басқаратын «Компания Достар Коммерц» ЖШС-ға қатысты анықталған кемшіліктер бойынша ҚР Әкімшілік құқық бұзушылық туралы кодекстің 462-бабы 3-бөлігімен хаттама толтырылды. Әкімшілік айыппұл салу үшін материалды сотқа беру тапсырылды.

«Бұдан бөлек, аумағы 500 шаршы метрден асатын нысандардың жұмысына шектеу қойылғанына қарамастан, мониторингілік тексеру кезінде «Сити Центр» сауда орталығының үшінші қабатында орналасқан, аумағы 700 шаршы метрден асатын жалға алынған дүкеннің жұмыс істеп жатқаны анықталды. Сол себепті Тауарлар мен көрсетілетін қызметтердің сапасы мен қауіпсіздігін бақылау аудандық басқармасының басшысына тиісті шараларды қолға алу тапсырылды», — деді Ж.Бекшин.

«Керуен» және «Ақбұлақ» базарларының жұмысын бағалауда санитарлық ережелердің талаптарға сай еместігі және тиісті қауіпсіздікті қамтамасыз ету мүмкіндігінің жоқтығы анықталды. Тағы бес базардың басшыларына ескерту жасалып, 1 маусымға дейін базарды тәртіпке келтіру ұсынылды.

«Жұлдыз», «Жаңа бұлақ» ЖШС, «Тастақ» ЖШС «Тастақ» базары мен «Көк базардың» ҚР бас мемлекеттік санитарлық дәрігерінің қаулысына сәйкес, жұмыс істемей жатқаны белгілі болды. Олар азық-түлік базарларының жұмыс алгоритмі талаптарын орындамаған.

Сонымен қатар, «Скиф Трейд» ЖШС «Small» супермаркеті, «Белый ветер-KZ» ЖШС сауда нысандарында маска тағу мен дезинфекция режимі сақталмаған, келушілер арасында кемінде екі метр әлеуметтік қашықтықты сақтау талаптарының да орындалмағаны анықталды.

Бүгінгі таңда мониторингілік топтар 3 мыңға жуық нысанды тексеріп, оның ішінде 93-і карантин талаптарын бұзғанын анықтады.

Ал жұмыстарын заңсыз жүргізіп отырған нысандарға олардың қызметін тоқтату шарасы қолданылды.

ҚазАқпарат

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия