jasqazaq.kz

Алматыдағы қайғылы оқиға туралы куәгер айтып берді

22 қараша 2021, 16:45

Алматы қаласындағы әйелдің үш баласымен бірге секіріп кеткен қайғылы оқиға туралы куәгер айтып берді, деп хабарлайды Informburo.kz.

«Дауыстарды естідім. Сегізінші қабаттағы әйел айқайлап: «Не істеп жатсыңдар, не лақтырып жатсыңдар», — деді. Қыз жүгіріп келіп шыңғырып жіберді, одан кейін ер адам келді, оның соңынан мен келіп осының барлығын көрдім», — дейді өзін Владимир деп таныстырған куәгер.

Оның айтуынша, көп қан болған, әйел мен балалар ет бетімен құлап жатқан.

«Балалар жатыр, кішкентай бала әлі демалып жатқан еді, мен жедел жәрдем шақыру керектігін айттым. Барлығы қоңырау шала бастады. Жедел жәрдем келді. Содан соң мен кетіп қалдым. Олардың құлаған кезін көрмедім, көзім нашар көретіндіктен, бірнәрсенің ұшып бара жатқанын ғана аңғардым», — дейді Владимир.

Ол әйелді әдетте балаларымен ойын алаңында серуендеп жүрген кезінде көретіндігін қосып өтті. Куәгердің сөзінше, отбасы көпқабатты үйде бір бөлмелі пәтерді жалдап тұрған.

Қайғылы оқиға Жетісу-1 шағын ауданында болған. Қалалық полиция департаментінің мәліметінше, өз өзіне қол жұмсаған әйел 28 жаста. Анасымен қоса оның 2015, 2016 және 2019 жылы туған үш баласы да бірге құлаған. Әйел мен екі баласы оқиға орнында қаза тапқан. Балалардың үлкені ауруханаға жетер жолда жантәсілім еткен.

17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр