Алматыдағы №2 перзентханада жүкті әйелден коронавирус табылды

28 сәуiр 2020, 16:58

Алматы № 2 перзентханадан COVID19 инфекциясы тіркелді. Бұл туралы қалалық әкімдіктің баспасөз қызметі мәлім етті.

«Перзентханаға жүктіліктің 39-аптасындағы келіншек келген. Ол коронавирус жұқтырған адаммен байланыста болған. Ол бұл ақпаратты жасырып қалған», — дейді баспасөз қызметі.

Қазір қызметкерлер мен пациенттер ПТР-тестілеуден өтті. Оларды басқа медициналық мекемелерге ауыстыру немесе үй карантиніне жіберу қарастырылып жатыр.

«№2 перзентхана ғимаратында зарарсыздандыру шаралары жасалды. Қазір мекемеде пациент қабылдау тоқтатылды. Қызметкерлер мен пациенттер тағы қосымша тестілеуден өтеді. Вирус жұқтырғаны расталмаса, перзентхана штаттық режімде жұмысын жалғастырады», — деді әкімдіктен.

inform.kz