jasqazaq.kz

Алматыда жол апатынан полиция қызметкері көз жұмды

19 мамыр 2021, 14:18

Алматы облысының Қарасай ауданында таңғы сағат тоғызда алматылық полиция қызметкері жол апатынан қайтыс болды. Бұл туралы жергілікті полиция қызметінің бастығы Манат Саттаров мәлімдеді, деп хабарлайды zakon.kz.

Оның айтуынша, Көлді-Жалпақсай тас жолында Mazda-626 автокөлігінің жүргізушісі рөлге ие бола алмай, жолдың қарсы бетіне шығып кетіп, 1999 жылғы Алматы қаласы патрульдік полициясының инспекторы Нәдір Қалымов тізгіндеген Lada Granta автокөлігімен соқтығысқан. Соққы инерциясымен Lada жол шетіне қарай ұшып, ағашқа соғылған.

Полиция кіші сержанты Қалымов Н. түнгі ауысымнан үйіне қайтып келе жатқан, бірақ ол үйіне сол күйі жете алмады: полицей алған жарақаттарынан оқиға орнында қайтыс болды. Әртүрлі дене жарақаттарын алған Мазда көлігінің жүргізушісі ауруханаға жатқызылды, — деді Саттаров.

Аталған факті бойынша Алматы облысы ПД Қарасай ауданының полиция бөлімі ҚР Қылмыстық кодексінің 345-бабы, 3-бөлігі бойынша тергеу жүргізеді.

Алматы қалалық полиция департаментінің басшылығы, ардагерлер кеңесі және жеке құрам Нәдір Қалымовтың отбасы мен жақындарының қайғысына ортақтаса отырып, қайғырып көңіл айтады, деп жазды Манат Саттаров Facebook-тегі парақшасында.
Полиция кіші сержанты Нәдір Қалымов ішкі істер органдарында 2019 жылдың қыркүйегінен бастап қызмет етті. Оның артында анасы мен аяғы ауыр келіншегі қалды.

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия